ജാനപ്പൈ 23,1993

ഗോപാലേട്ടന്റെ കല്യാണം പൊടിപൊടിച്ചു. പെണ്ണ് അത്രക്കും കളറില്ല. എന്നാലും കുറെ മൊതല് കിട്ടിയ മട്ടുണ്ട്. പെണ്ണിന്റച്ഛന്‍ എക്സൈസിലാത്രേ.

കെട്ടാന്‍ നേരം ഗോപാലേട്ടന്റെ അടുത്ത് പെണ്ണ് നിന്നപ്പോള്‍ വരിക്ക ചക്കയുടെ അടുത്ത് കടച്ചക്ക കുത്തി നിര്‍ത്തിയ പോലെ തോന്നി.

തടി വരുമായിരിക്കും. അതുപിന്നെ അങ്ങിനെയാണല്ലോ.. ;)

പോകുംവഴി ഒരു മുന്‍സീറ്റിലിരുന്ന ഒരു ക്ടാവ് ഛര്‍ദ്ദിച്ചു. ഉപ്പുമാവും ചായയും മാത്രമേ കാലത്ത് അവിടന്ന് കഴിക്കാനുണ്ടായിരുന്നുള്ളൂ. അത് ഭാഗ്യായി. അല്ലെങ്കില്‍ ആ ഡേഷ് ക്ടാവ് നമ്മളെ കുളിപ്പിച്ച് കിടത്തിയേനെ!

എന്തോരം ക്ടാങ്ങള്‍. കണ്ണും മനസ്സും കുളിര്‍ത്തു. മഞ്ഞ പട്ടുപാവാട, എന്നെ ഇടം കണ്ണിട്ട് എടക്കിടെ നോക്ക്യാര്‍ന്നു.

നമ്മളെ കണ്ടാല്‍ ഏറെക്കുറെ തമിഴന്മാരുടെ ലുക്കായതുകൊണ്ട്, ‘ഇയാളല്ലേ ഇന്നാള് ചേച്ചീടെ മാല പൊട്ടിക്കാന്‍ നോക്ക്യ തമിഴന്‍’ എന്നൊക്കെ ഓര്‍ത്തായിരിക്കും നോക്കിയത്. അതുകൊണ്ട്, തലയാട്ടി ‘ഹായ്’ എന്ന് പറയാന്‍ ധൈര്യം വന്നില്ല.

എന്തായാലും അധികം പൊതിക്കെട്ടഴിക്കലിന് നിന്നില്ല. ഒരു നായര്‍ മാപ്ല ലഹളക്ക് ഞാനായിട്ട് മുങ്കൈ എടുക്കാനും പാടില്ലല്ലോ. പോരാത്തേന് ഞങ്ങളുടെ സൈഡില്‍ മാപ്ലമാര്‍ കുറവും.

എണീറ്റത്: 5 മണി.
കിടന്നതും ഉറങ്ങിയതും ഓര്‍മ്മയില്ല.(മൂന്ന് ക്ലാസ്സ് പായസം കുടിക്കേണ്ടിയിരുന്നില്ല! )